Машғулияти семинарии судяҳои суди вилоят ва судҳои шаҳру ноҳияҳои вилояти Хатлон дар шаҳри Бохтар (1.05.2026 сол)

Санаи 1 майи соли ҷорӣ дар толори маҷлисгоҳи бинои Донишгоҳи давлатии шаҳри Бохтар ба номи Носири Хусрав машғулияти семинарии судяҳои суди вилоят ва судҳои шаҳру ноҳияҳои вилояти Хатлон барои моҳи апрели соли 2026 баргузор гардид.

Дар машғулияти семинарии мазкур  Раиси Суди Олии Ҷумҳурии Тоҷикистон муҳтарам Мирзозода Рустам Пираҳмад, раиси Суди вилояти Хатлон муҳтарам Расулзода Нуриддин Ғафор, муовини якуми  раиси Суди вилояти Хатлон муҳтарам Аҳёзода Шамсулло Салим, муовини раиси Суди вилояти Хатлон муҳтарам Наимзода Пайрав Сулаймонӣ, муовини раиси Суди вилояти Хатлон муҳтарам Мирзозода Ғиёсиддин Низом, муовини раиси Суди вилояти Хатлон муҳтарам Бобоҷони Шералӣ, судяҳои суди вилоят, раисон ва судяҳои судҳои шаҳру ноҳияҳои вилояти Хатлон иштирок варзиданд.

Дар семинари мазкур судяҳои масъул тибқи Нақшаи гузаронидани машғулиятҳои семинарӣ дар мавзуҳои гуногун баромад намудан.

Инчунин дар семинар аз ҷониби Раиси Суди Олии Ҷумҳурии Тоҷикистон масъалаҳое, ки ҳангоми баррасии парвандаҳо ташвишовар мебошанд, ин яъне дуруст татбиқ намудани меъёрҳои моддӣ ва мурофиавӣ, даст назадан ба кирдорҳои пастзанандаи шаъну шарафи судягӣ, пишгирии омилҳои коррупсионӣ дар судҳо, хушмуомила будан бо шаҳрвандон ва сари вақт бо сифат баррасӣ намудани парвандаҳо ва коркарди сомонаҳои расмии судҳо, иҷроиши санадҳои судӣ ба хусус тахмини иҷрои ҷазоҳои ҷаримаҳо ва боҷҳои давлатӣ мавриди муҳокимаронӣ қарор гирифта шуд.