МАШҒУЛИЯТИ СЕМИНАРИИ КОРМАНДОНИ ДАСТГОҲИ СУДИ ВИЛОЯТ ВА СУДҲОИ ШАҲРУ НОҲИЯҲОИ ВИЛОЯТИ ХАТЛОН (24.02.2023 сол)

Санаи 24 феврали соли ҷорӣ дар толори маҷлисгоҳи Суди вилояти Хатлон  машғулияти семинарии кормандони дастгоҳҳои суди вилоят ва судҳои шаҳру ноҳияҳои вилояти Хатлон баргузор гардид.

Дар семинари мазкур раиси Суди вилояти Хатлон муҳтарам Расулзода Нуриддин Ғафор, судяи Суди вилояти Хатлон Саидзода Дилшод, мутахассисони шӯъбаи таъмину ташкили фаъолияти судҳои Суди вилояти Хатлон Холзода Исломудин, Абдуллозода Бахтиёр, кормандони дастгоҳҳои суди вилоят ва судҳои шаҳру ноҳияҳои вилояти Хатлон иштирок варзиданд.

Раиси Суди вилояти Хатлон муҳтарам Расулзода Нуриддин Ғафор баромад карда, таъкид намуд, ки дар кори пурмасъулияти худ ҷиддӣ буда, ба кирдорҳои коррупсионӣ даст назананд, бо шаҳрвандон хушмуомила буда, интизоми меҳнатиро риоя намоянд.

Сипас, дар семинар кормандони масъули дастгоҳҳои судҳо тибқи Нақшаи гузаронидани машғулиятҳои семинарӣ дар мавзуҳои гуногун баромад карданд.