Суди вилояти Хатлон 
МАШҒУЛИЯТИ СЕМИНАРИИ СУДЯҲОИ СУДИ ВИЛОЯТ ВА СУДҲОИ ШАҲРУ НОҲИЯҲОИ ВИЛОЯТИ ХАТЛОН (25.02.2022 сол)
Санаи 25 феврали соли ҷорӣ дар толори маҷлисгоҳи Кохи фарҳанги Мақомоти иҷроияи ҳокимияти давлатии вилояти Хатлон машғулияти семинарии судяҳои суди вилоят ва судҳои шаҳру ноҳияҳои вилояти Хатлон барои моҳи феврали соли 2022 бо риояи тамоми қоидаҳои санитарию гигиенӣ ва бехатарӣ аз бемории COVID-19 баргузор гардид.
Дар машғулияти семинарии мазкур раиси Суди вилояти Хатлон муҳтарам Мирзозода Рустам Пираҳмад, муовинони раиси суди вилоят Аҳёзода Шамсулло Салим, судяҳои суди вилоят, раисон ва судяҳои судҳои шаҳру ноҳияҳои вилояти Хатлон, судяҳои Суди ҳарбии гарнизони Хатлон ва раиси шаҳри Бохтар Саломзода Сиҷоуддин иштирок варзиданд.
Дар семинари мазкур судяҳои масъул тибқи Нақшаи гузаронидани машғулиятҳои семинарӣ дар мавзуҳои гуногун баромад намудан.
Инчунин дар семинар дигар масъалаҳое, ки ҳангоми баррасии парвандаҳо ташвишовар мебошанд, ин яъне дуруст татбиқ намудани меъёрҳои моддӣ ва мурофиавӣ, даст назадан ба кирдорҳои пастзанандаи шаъну шарафи судягӣ, пишгирии омилҳои коррупсионӣ дар судҳо, хушмуомила будан бо шаҳрвандон ва сари вақт бо сифат баррасӣ намудани арзу шикоятҳои онҳо мавриди муҳокимаронӣ қарор гирифта шуд.
Баъди ба анҷом расидани машғулияти семинарӣ, раиси суди вилоят бо якҷоягӣ бо судяҳо дастаҷамъона собиқ муовини якуми раиси Суди вилояти Хатлон Бойзода Темур Гулбой, ки бинобар расиданаш ба синни ниҳоӣ бо Фармони Президенти Ҷумҳурии Тоҷикистон аз вазифаи ишғол кардааш озод шуда буд, бо туҳфаҳои хотиравӣ ба нафақа фиристонида шуд.
